Gashi: Stadiumi i gatshëm, UEFA ka dhënë dritën e gjelbër për të luajtur lojën me 13 gusht

10:19 | 8 Gusht 2018
Arbresh.info

Ministri Kujtim Gashi, bashkë me Kryetarin e Kuvendit, Kadri Veseli kanë vizituar Stadiumin e Prishtinës “Fadil Vokrri” për të parë nga afër investimet që janë bërë në këtë stadium.

Ministri i Kulturës, Rinisë dhe Sportit Kujtim Gashi ka thënë se UEFa e ka dhënë dritën e gjelbër që me 13 të luhet loja, raporton Arbresh.info.

“Më në fund Kosova do ta ketë një stadium sipas kritereve të UEFA-s. Për herë të parë në Kosovë do të luhen lojrat në Prishtinë dhe është një momentum që më në fund e kemi stadiumin e gatshëm. Ka qenë përkushtim i yni sepse në tre muajt e fundit janë kryer 60% të punimeve ashtu siç e kemi marr stadiumin”, ka thënë ai.

Gashi ka thënë se stadiumi mbanë emrin e Fadil Vokrrit.

“Edhe pse ai s’do të jetë këtu më 13 , ky stadium mbanë emrin e tij, emrin e legjendës”, ka thënë ai./Arbresh.info